Trajneri i Milanit, Gennaro Gattuso, e ka paralajmëruar Andre Silvan në rast se dëshiron të vazhdojë me klubin italian.
Portugezi është i kërkuar shumë nga Wolverhampton Wanderers dhe nuk përjashtohet mundësia që ky transferim të ndodh.
“Andre Silva ka teknik dhe talent, por tani duhet të përmirësohet”, ka thënë Gattuso.
“Kur të jepet mundësia, duhet të bësh maksimumin. Ai duhet të bëjë më shumë, ka talent të pamohueshëm. Nëse nuk stërvitesh në mënyrë të caktuar, sepse mendon se nuk do të luash, atëherë duhet ta tregosh në stërvitje se meriton të luash”.
“Kam parë shumë lojtarë duke u përmirësuar që kur kam ardhur këtu. Ata qëndrojnë më shumë në stërvitje duke punuar në dobësitë e tyre”.
“Nëse ka lojtarë që qëndrojnë më shumë në stërvitje duke kërkuar më shumë, kjo është e mirë për klubin”,ka shtuar Gattuso.
22-vjeçari ka shënuar 10 gola në 39 ndeshje. /Telegrafi/