Trajneri i Milanit, Gennaro Gattuso, do të qëndrojë deri në fund të sezonit në San Siro.
Rossonerët pësuan një tjetër humbje dhe u larguan paksa nga objektivi për Ligën e Kampionëve, pasi tani skuadra kuqezi renditet e gjashta në tabelë.
Përkundër humbjes nga Torino, drejtuesit e klubit kanë vendosur mos ta shkarkojnë Gattuson, me të cilin do ta vijojnë punën të paktën deri në fund të këtij edicioni.
Objektivi i Milanit dihet dhe ish-mesfushori duhet ta arrijë me çdo kusht Ligën e Kampionëve, në të kundërtën do të largohet nga drejtimi i skuadrës.
Kuqezinjtë kanë edhe katër ndeshje deri në fund për të shpresuar që të arrijnë të rikthehen në mesin e klubeve më të forta evropiane.