La Gazzetta dello Sport pohon se e shifra e nevojshme prej 320 milionë eurove është mbledhur në Hong Kong dhe Milani janë në rrugën e duhur për mbylljen e marrëveshje të paraparë më 3 mars.
Marrja e skuadrës nga San Siro është zvarritur për më shumë se një vit dhe mbyllja është shtyrë në mënyrë të përsëritur.
Identiteti i atyre që gjinden pas këtij konglomerati që do blej Milanin mbetet ende i fshehur, edhe pse disa emra të besueshëm kanë dalë.
Sipas La Gazzetta dello Sport, investitorët kanë bërë gati koston tjetër prej 320 milionë eurove në Hong Kong për të përfunduar blerjen e Milanit, transmeton Telegrafi.
Presidenti Silvio Berlusconi do të shesë kuotën e tij apo gjithë klubin, me 99,9 për qind të aksioneve që do të shkojnë për grupin Sino-Europe Sports, ndërsa data e mbylljes pritet të jetë 3 marsi.
Raporti gjithashtu thekson se lëvizja e parë nga pronarët e rinj do të jenë vazhdimi i kontratës në terme afatgjata për portierin adoleshent, Gianluigi Donnarumma. /Telegrafi/