Shoqata e Gastronomëve të Kosovës ka reaguar pas miratimit të Ligjit për Rimëkëmbjen Ekonomike nga pandemia COVID-19.
Kjo shoqatë thotë se e mirëpret kalimin e këtij Ligji.
Gastronomët në reagim kërkojnë nga Qeveria e Kosovës që të mos ketë kufizim të punës gjatë festave të fundvitit.
“Lusim Qeverinë e Kosovës të na lejojnë të punojmë! Jemi pranë festave si për qytetarët e Kosovës po ashtu edhe për diasporën, duam të ju qëndrojmë më afër në kohë më të gjatë pune dhe sado pak ta përmbyllim së bashku një vit të brishtë, duke u mundësuar kështu edhe bizneseve të mbijetojnë. Është mundësia jonë e fundit që sado pak të mbesim në këmbë këtë vit. Me 3 lule nuk qel pranvera! Nëse qëendron ideja të lirohen masat vetëm për 3 netë të vitit të ri, atëherë për ne si gastronom mos e bëni fare. Siç e ceka, me 3 lule nuk qel pranvera”, thuhet në ragim. /Telegrafi/
