Berat Gjimshiti ka filluar shkëlqimin në Serie A me fanellën e Atalantës.
Pas dy viteve huazim tek Avellino dhe Benevento, mbrojtësi shqiptar është bërë pjesë e rëndësishme e Atalantës.
Në ndeshjet e para në Serie A, Gjimshiti ka shkëlqyer me klubin zi kaltër, ndërsa ndeshja e tij më e mirë ishte ndaj Romës kur ndali boshnjakun Edin Dzeko.
Për trajnerin e Atalantës, Gian Piero Gasperini, mbrojtësi shqiptar është në mesin e lojtarëve që do të jenë e ardhmja e Atalantës.
“Klubi ka bërë investime të mëdha për të ardhmen, por tani duhet të mendojmë edhe për të ardhmen”.
“Lojtarët si Gjimshiti, Mancini, Pesina e Rigoni janë të rëndësishëm për të ardhmen e klubit”, ka thënë Gasperini.
Skuadra italiane është në bisedime me agjentët e Gjimshitit për vazhdimin e kontratës.
Reprezentuesi i Shqipërisë ka një kontratë valide deri në vitin 2019, ndërsa Atalanta po mundohet t’ia vazhdojë edhe për katër vite të tjera.
25-vjeçari pritet të luaj edhe në ndeshjen e sotme ndaj Milanit në San Siro. /Telegrafi/