Avokati Tomë Gashi, ka theksuar se Presidenti i Kosovës, Hashim Thaçi i ka ndërruar se paku tri herë qëndrimet përballë funksionalizimit të Gjykatës Speciale.
Ai në emisionin “Debat D Plus” të RTV Dukagjini, ka theksuar se në vitin 2015 Thaçi ka qenë pro saj, për ta ndryshuar këtë qëndrim sipas tij, në muajin e kaluar me deklaratat e bujshme, dhe në fund ajo që e tha sot se e përkrah atë.
“Ai ka thënë se i janë dhënë premtime kinse në të mirë të Kosovës, e që ne kurrë nuk i kemi parë. Nëse ka pasur aso premtime ose pazare, ai nuk na ka treguar asnjëherë”, ka shtuar Gashi. /Telegrafi/
