Ministrja Edita Tahiri, s’duhet të jetë më kryenegociatorja e dialogut me Serbinë, nga ana e palës kosovare.
Kështu mendon deputeti i Lidhjes Demokratike, Arben Gashi, i cili në emisionin Info Magazine në Klan Kosova, deklaroi se ekipi i saj e ka bërë rutinë dialogimin me Beogradin dhe u ka humbur kreativiteti.
“Mund ta bëjnë shumë njerëz më mirë punën e ministres Edita Tahiri. Ekipit të zonjës Tahiri, dialogu i është shndërruar në rutinë dhe kur ka rutinë, humbet pasioni, kreativiteti dhe gjithçka. E Kur diçka si kjo ndodh, duhet të ndërrohet ekipi”, ka shtuar Gashi, duke mos përmendur se kush do ta bënte më mirë punën e Tahirit.