Gareth Bale ka thumbuar Real Madridin me deklaratën e bërë gjatë konferencës së mbajtur te Uellsi për ndeshjet e Ligës së Kombeve.
Uellsiani ka thënë se sa herë i duhet të rikthehet në kombëtare, ai është shumë i lumtur dhe do të luajë në një vend ku i vlerësohet kontributi.
“Besoj se të gjithë janë në dijeni se sa shumë e pëlqejë të rikthehem këtu (në Uells). Është një ndjenjë shumë e mirë të rikthehem dhe të jem në një vend ku vlerësohem”, ka thënë Bale.
Anësori ka zbuluar se ai ka tentuar të largohet, mirëpo Real Madridi e kishte bllokuar lëvizjen e tij.
“Tentova në vitin e kaluar të largohem, mirëpo ata e bllokuan lëvizjen. Ishte një projekt që dëshiroja t’i bashkohem”.
“Ishin disa instanca të tjera që e ndaluan lëvizjen time, andaj tashmë është tek ata se çfarë duan të bëjnë”, ka shtuar më tej uellsiani.
Bale tashmë e ka gjuajtur topin në fushën e Real Madridi, pasi është i gatshëm që të largohet nga Santiago Bernabeu. /Telegrafi/