Një i burgosur është filmuar duke u tërhequr zvarrë nga gardianët, të cilët për shkak të këtij veprimi janë suspenduar nga puna.
Pamjet rrëqethëse të publikuara në internet, shfaqin momentin kur gjashtë gardianë tërheqin zvarrë të burgosurin deri në qeli, derisa njëri prej tyre e godet edhe pse ishte i prangosur, transmeton Telegrafi.
Dy prej gardianëve janë suspenduar, dhe katër tjerë janë duke u hetuar nga inspektorati.
Solomon Cindea shihet në video duke u tërhequr zvarrë nëpër korridor deri tek qelia e tij. Ndërkaq kur është futur brenda gardianët kishin ushtruar dhunë fizike ndaj tij.
Mattheë Abbot dhe Christopher Zadroski janë suspenduar pas pamjeve të publikuara në internet nga sherifi Paul Monroe.
Sipas policisë së Ohio në Shtetet e Bashkuara, Abbott dhe kolegu i tij Zadroski, shihen duke përdorur forcë të tepruar. /Telegrafi/
