Garda Ceremoniale e FSK-së në përvjetorin e pavarësisë së SHBA-ve, së bashku me shoqatën “Miqtë e Amerikës” ka bërë ngritjen e flamurit amerikan në Prishtinë, në sheshin që mban emrin e ish-presidentit amerikan Bill Clinton.
Kryetari i shoqatës “Miqtë e Amerikës”, Agim Rexhepi, kryetar i shoqatës ka thënë se ngritja e këtij flamuri, po bëhet në nder të përvjetorit të pavarësisë së ShBA-ve.
“Populli i Kosovës në veçanti populli shqiptar, për nder të pavarësisë së SHBA-së edhe këtë vit mund të themi që bëmë një aktivitet në koordinim me shoqatën ‘Miqtë e Amerikës’ me Ushtrinë e Kosovës apo me Forcën e Sigurisë së Kosovës gjegjësisht me gardën ceremoniale të FSK-së e bëmë ngritjen e flamurit amerikan dhe treguam edhe një herë respekt, dashuri, sinqeritet për t’i treguar popullit amerikan se ne populli i Kosovës e në veçanti populli shqiptar jemi falënderues. Nuk i kemi harruar ato veprime që kemi bërë jo vetëm kohëve të fundit por edhe gjatë historisë”, tha Rexhepi.
Ai ka thënë se Kosova i dërgon mesazhet më të mira Amerikës për ndër të përvjetorit të pavarësisë.
“Mesazhet më të mira që të keni begati, prosperitet dhe të iu realizohen të gjitha synimet që i keni në objektivet tuaja afatmesme dhe afatgjate. Zoti e bekoftë popullin e Kosovës, Zoti e bekoftë popullim amerikan dhe popullin shqiptar”, ka thënë ai.
Hajrush Kurtaj, drejtor i departamentit civilo-ushtarak në Ministrinë e Mbrojtjes, ka thënë se kjo festë është e përbashkët.
“Këtë aktivitet që po e zhvillojmë sot, në bashkëpunim me shoqatën “Miqtë e Amerikës” në bashkëpunim edhe me Forcat e Sigurisë së Kosovës duke u bazuar në kontributin e dhënë të Shteteve të Bashkuara të Amerikës, presidentit Ëillson e deri më tani, do të jetë mirënjohës gjithmonë, është mirënjohëse për kontributin edhe sot. ne po bëjmë ngritjen e flamurit amerikan në shenjë respekti për këtë kontribut. Urime qytetarëve amerikan, urime shtetit të Amerikës”, ka thënë Kurtaj./Telegrafi/