Të mërkurën mediat italiane spekuluan se Taçi kishte udhëtuar në Milano për të investuar te Rossonerët, dhe lajmi vjen vetëm një javë pasi ishte spekuluar lideri libanez Muammar al-Gaddafi dëshironte ta blejë Milanin.
Mirëpo, Galliani ka reaguar për të thënë se klubi nuk do t’i shitet pasanikut shqiptar, porse është pronë e kompanisë “Fininvest”, të presidentit Silvio Berlusconi.
“Nuk do të shiten aksione në klub. Nuk ekzistojnë aksione të vogla ose të mëdha, dhe ky diskutim është i mbyllur”, është shprehur Galliani për “La Gazzetta Dello Sport”.
Përkundër këtij mohimi të Gallianit, gazeta thotë se Taçi mund të shndërrohet në një partner të rëndësishëm te Milani.