Liam Gallagher është detyruar ta ndërpresë një koncert si pasojë e problemeve me frymëmarrje në skenë.
Këngëtari e ndërpreu koncertin në Lollapalooza Santiago në Kili, për shkak se një infeksion i rrugëve të frymëmarrjes nuk e kishte lejuar të këndonte si duhej.
Përfaqësuesi i tij ka bërë një publikim në rrjetet sociale për t’u kërkuar falje fansave dhe për t’i siguruar se do të caktohet një datë tjetër për mbajtjen e koncertit.
— Liam Gallagher (@liamgallagher) March 19, 2018
“Liam ishte diagnostikuar me një infeksion në sinuse, vesh dhe hundë, pas një koncerti në Evropë, disa javë më parë që ka çuar në infeksionin e rrugëve të frymëmarrjes”.
“Ai ka vazhduar të këndojë dhe ta tejkalojë problemin, mirëpo fatkeqësisht e kishte të vështirë të merrte frymë në skenë dhe nuk mund ta vazhdonte koncertin”.
“Liam është shumë i zhgënjyer dhe i hidhëruar që nuk mund ta përfundonte koncertin dhe dëshiron t’u kërkojë falje të gjithëve që erdhën për ta parë. Ai premton se do ta ricaktojë një koncert në Santiago sa më shpejt që është e mundur”, thuhet mes tjerash në njoftim.
Zëri im është krejtësisht i dërrmuar. Nuk do të qëndroj këtu duke bërtitur me këtë zë të tmerrshëm. Më vjen keq nuk mund t’i këndoj notat”, citohet t’u ketë thënë Gallagher fansave para se të largohej nga skena.
Siç transmeton The Sun, fansat kishin nisur të fishkëllenin pas njoftimit se nuk do të ndërpritej koncerti. /Telegrafi/