Telefoni i palosshëm i Samsung Galaxy F, i quajtur “Galaxy X”, është shfaqur në imazhe të reja që tregojnë se si mund të duket e ardhmja e telefonave fleksibil, të kompletuar me platformën miqësore Android Q në bord.
Imazhet e reja të paraqitjes së potencialit Samsung Galaxy F vijnë nga Letsgodigital, të cilat shfaqin pamjet e një të ardhme të mundshme. Siç mund ta shihni, imazhi nxjerr në pah telefonin e palosur në formatin e tabletit, gjysmë të mbyllur dhe të mbyllur plotësisht.
Samsung ka zbuluar tashmë ekranin kryesor për këtë telefon të quajtur Infinity Flex Display.
Kjo u shfaq zyrtarisht në Konferencën e Zhvilluesve të Samsung, megjithëse në një dritë të errët që ishte e vështirë për t’u parë. Kjo shfaqje e re e sjell atë ekran në një dritë shumë më të qartë.
Ekrani kryesor pritet të jetë një OLED prej 7.3 inç që paloset në vetvete. Kur të mbyllet do të ketë një OLED 4.5 inç në anën e jashtme të telefonit që lejon të përdoret si një telefon.
Në të njëjtën ngjarje Samsung përmendi edhe sistemin e ri Android të Google dhe ne patëm një paraqitje të shkurtër të asaj që mund të ofronte. Një tipar i këndshëm tregoi tre dritare të hapura krah për krah në ekranin e palosur.
Një video pastaj u shfaq në ekranin e plotë të shpalosur, pastaj, kur u palos, vazhdoi të shfaqej në ekranin më të vogël.
Samsung Galaxy F pritet të arrijë në fillim të vitit 2019, me një çmim shumë të lartë, prej mbi 1,000 dollarë të paktën. /Telegrafi/