Është thënë shumë për kamerën në serinë e re Samsung Galaxy S11, por tani, ka ardhur konfirmimi se do të jetë e shkëlqyeshme kur bëni video.
Kamera e re në serinë Samsung Galaxy S11 mund të duket e çuditshme, por dizajni i saj mund të ketë një qëllim, në fund të fundit.
Tashmë dihet se do të ketë një sensor kryesor 108MP, zmadhim optik 5X, një sensor të ri kamerash të quajtur Bright Night dhe sensorë ToF që do të ndihmojnë në tiparet e ndjeshmërisë 3D.
Tani, një analizë e APK Aplikacionit të Kamerave Samsung, shfaq një kod për xhirimin e videos 8K.
Ndoshta kjo është vetëm një thashetheme dhe Samsung mund të jetë duke punuar për të sjellur këtë veçori më vonë, por megjithatë, duhet të presim pak më shumë për lajme zyrtare ose ndoshta një burim tjetër që mund të konfirmojë këtë informacion.
Le të kujtojmë se procesori Exynos 990 është lansuar tashmë.
Ky çip do të gjendet brenda disa versioneve të Galaxy S11, dhe tashmë është i aftë të xhiroj video 8K me 30fps. /Telegrafi/