Për ndryshim nga spekulimet e mëhershme, në Amazon thuhet se pajisja do të ketë kamerën prej 12 megapiksel. Gjithashtu, celulari pritet të jetë i pajisur me ekranin Super AMOLED 4.7 inçësh, e të përfshirë do të jenë 16 GB memorie për deponimin e të dhënave. Informatat se “memoria mund të zgjerohet deri në 32 GB” bën me dije se celulari do të ketë sllotin për kartelat microSD. Çmimi i pajisjes në Amazon është 600 euro që edhe është çmimi i pritur i tregut të kësaj pajisje pa kontratë me operatorin.
Lansimi zyrtar i celularit është paraparë për 3 maj kur do të marrim vesh se çfarë sjellë pajisja high-end e Samsung me Android. /Telegrafi/