Gafë apo provokim nga Unitedi? Djajtë e Kuq e quajnë Juventusin ‘hajdutë’

Jemi pak orë nga ndeshja mes Manchester Unitedit dhe Juventusit, por rivaliteti mes tifozëve është shtuar paksa pas një postimi në ueb faqen e Djajve të Kuq.

Skuadra angleze ka përshkruar Zonjën e Vjetër me një nofkë që tifozëve të Juves nuk iu ka pëlqyer aspak.

“Një nga pseudonimet më poshtëruese për Zonjën e Vjetër nga tifozët rivalë si të Fiorentinas, Interit dhe Napolit është ‘Rubentus’. Kjo vjen nga fjala italiane ‘vjedh’“, shkruan në ueb faqen e Unitedit, duke iu referuar skandalit të Calciopolit.

Kujtojmë që ky skandal e kishte zhveshur Juven nga titulli i vitit 2005 dhe si pasoj e kësaj kishte rënë në Serie B.

E gjitha kjo është bërë lajm në mediat e ndryshme dhe ka shkaktuar debat në rrjetet sociale mes tifozëve.

Lexo po ashtu Man Utd-Juventus: Formacionet e mundshme, Dybala nga fillimi

Kështu Man Utd është detyruar ta fshijë, por që ende nuk ka ndonjë njoftim zyrtar, apo kërkim falje rreth saj.

Juventusi prin në Grupin H me gjashtë pikë, kurse Man Utd me katër. /Telegrafi/