Ish-zëvendëskryeministri serb, Vojslav Sheshel, që ka planifikuar të bëjë sot një vizitë në Kosovë, është shpallur person i padëshirueshëm nga Ministria e Punëve të Jashtme të Kosovës dhe si i tillë, ai nuk lejohet të hyjë në vendin tonë.
Bazuar në vendimin e nënshkruar nga ushtruesi i detyrës së Ministrit të Punëve të Jashtme, Petrit Selimi, vendimi bëhet i plotfuqishëm tek muajin tjetër, më 4 maj.
Kjo pasi që në vendim është shënuar 4 maji si datë e marrjes së vendimit, në vend të datës 4 prill 2016.
Gjithsesi, ky duhet të jetë një gafë i MPJ-së marrë parasysh faktin se ky vendim është marrë disa ditë pas lirimit nga Haga të Sheshelit, dhe pas paralajmërimit të tij se do të vizitojë Kosovën.
Ose kanë preferuar modelin amerikanë të llogaritjes së datave, ku fillimisht shënohet muaji, më pas data dhe në fund viti.
Por, në këtë dokument, është lëshuar edhe një gabim tjetër.
Nënshkrues i vendimit thuhet se është Ministri i Punëve të Jashtme, Petrit Selimi.
Në fakt, Selimi është duke e mbajtur detyrën e ushtruesit të detyrës pas largimit të Hashim Thaçit nga kjo pozitë. /Insajderi.com/