Pensionistja gjermane ishte paraqitur për operacion të këmbës, ndërsa është zgjuar me plagën e vjetër dhe anus të ri.
Spitali në Hochfranken të Bavarisë ka suspenduar ekipin kirurgjik i cili sipas të gjitha gjasave i ka ndërruar të dhënat e dy pacientëve. Gruaja që ka vendosur të padisë spitalin ka pritur që do t’ia operojnë këmbën, derisa pacienti tjetër i cili vuante nga inkontinenca (mospërmbajtja e jashtëqitjes) është dashur të fitonte një anus të ri.
Gruaja e cila ende ka nevojë për operacion të këmbës, pas padisë ndaj spitalit, do të kërkojë një institut tjetër mjekësor për të kryer punën si duhet.