Barcelona ka arritur marrëveshje të paguajë 5.5 milionë euro gjobë për rastin e transferimit të Neymarit nga Santosi në vitin 2013.
Sulmuesi dhe babai i tij i kanë fshehur shifrat e sakta të marrëveshjes së bashku me ish-krerët katalunasve, ashtu që është zbuluar mashtrim në tatim.
Barca kishte raportuar se ka paguar 57 milionë euro, 17 prej të cilave i ka marrë Santosi, ndërsa pjesa tjetër ka shkuar te familja e futbollistit.
Në ndërkohë një grup investues brazilian që posedonte 40 për qind të kartonit të Neymar ka thënë se nuk e ka marrë shumën e nevojshme.
Mirëpo, hetuesit kanë zbuluar se shifra e saktë që Barcelona ka paguar për Neymarin është 83 milionë euro.
Sidoqoftë, klubi dhe prokuroria kanë arritur marrëveshje që këtë çështje ta quajnë “gabim në planifikimin e taksave” dhe Blaugranët do të paguajnë gjobë prej 5.5 milionë eurosh. /Telegrafi/