Shumëçka ka ndryshuar në 45 vitet që kur Mercedes G-Class origjinal u prezantua në botë dhe edicioni i ri ultra i kufizuar G-Class Past II Future feston këtë datë.
Versioni i ri vjen në një skemë unike bojërash dyngjyrëshe, përcjell Telegrafi.
Ndërkohë, zbukurimi përgjatë veturës përmban një mesazh të veçantë: “Kjo G-Class u dedikohet atyre që festojnë shpikjen”.
Çdo model ka një motor 3.0-litërsh me gjashtë cilindra me asistencë të butë hibride, por klientët do të mund të zgjedhin nga G 450 d me naftë me 362 kuaj fuqi dhe G 500 me benzinë me 442 kuaj fuqi.
Të dy e dërgojnë fuqinë e tyre përmes një transmetimi automatik me nëntë shpejtësi në të katër rrotat.
Nga ky version, do të prodhohen vetëm 20 shembuj dhe ndërsa marka nuk ka njoftuar se sa do të kushtojnë, dorëzimi i tyre do të fillojë nga prilli i vitit 2025. /Telegrafi/
