Kryeministrja italiane, Giorgia Meloni, përveçse është në sy të publikut për shkak të një sërë vendimesh politike që merr, të cilat kanë të bëjnë me Bashkimin Evropian dhe Italinë, është shpesh temë në rrjetet sociale dhe për shkak të shprehjeve të fytyrës të regjistruara nga kamerat në takime të shumta.
Kështu, revista Politico i kushtoi një tekst të veçantë këtij segmenti të Giorgia Melonit dhe shkruante se disa liderë janë folës të shkëlqyer, por se të tjerët mund t’i përcjellin ndjenjat e tyre më të thella vetëm me një vështrim.
Këtë e tregoi kryeministrja italiane, Giorgia Meloni në samitin e fundit të NATO-s në Uashington, kur kamerat regjistruan shprehje specifike të fytyrës gjatë takimit me presidentin turk, Recep Tayyip Erdogan, por edhe në momentet kur ajo priste të arrinte në sallë Sekretari i Përgjithshëm i NATO-s, Jens Stoltenberg dhe presidenti i SHBA-së, Joe Biden.
Duke qenë se kjo nuk është hera e parë që kryeministrja italiane tregon, mund të thuhet, shprehje jashtëzakonisht specifike të fytyrës, revista Politico përzgjodhi disa nga fotot e saj dhe shtoi përshkrime që mund t’i përshkruanin më së miri ato.
“Kur thanë se takimi do të ishte në 10 të mëngjesit dhe tani është ora 10:30 dhe ata ende nuk janë paraqitur”.
Një tjetër foto, në të cilën Meloni po flet me tashmë ish-kryeministrin britanik, Rishi Sunak.
“Kur përpiqesh të dukesh i interesuar, por gjithçka që po mendon është dreka”.
E treta i referohet shprehjeve të fytyrës së saj gjatë fjalimit që mbajti në mbledhjen e partisë.
“Kur prekni disa ushqime në lavaman ndërsa lani enët”.
Fotoja e katërt përfshin sërish ish-kryeministrin e Britanisë së Madhe.
“Kur kolegu juaj ju thotë një shaka dhe ju duhet të bëni sikur është qesharake”.
Një nga fotot përfshin skenën tashmë shumë të njohur të takimit me presidentin francez, Emmanuel Macron.
“Kur shihni dikë që keni dëgjuar duke folur për ju pas shpine”.
Fotot tjetër ka një takim të ftohtë me të parin e shtetit francez
“Kur hasni ish-in tuaj në klub nate”.
Në fokus të revistës ka qenë edhe fotografia nga samiti i G7.
“Kur je në pub për një kohë të gjatë dhe miqtë e tu të pyesin nëse je mirë”.
Ndryshe, Giorgia Meloni ka marrë pjesë në samitin e NATO-s në Uashington dhe me atë rast në margjinat e samitit është takuar edhe me presidentin e Turqisë, Recep Tayyip Erdogan.
Përveç Erdoganit, Meloni ka zhvilluar edhe një sërë takimesh të tjera me përfaqësues të vendeve anëtare të aleancës. /Telegrafi/