Drita ka arritur të rishkruajë historinë e saj pasi ka fituar titullin e dytë të kampionit në elitën e futbollit kosovar.
Skuadra gjilanase triumfoi në fund me tri pikë më shumë se rivalët nga Prishtina.
Ditën e diel të 20 majit ishte një festë e madhe fillimisht në Pejë ku kishin udhëtuar mijëra tifozë Intelektualë për ta përkrahur Dritën.
Por edhe shumë të tjerë në sheshin e qytetit në Gjilan kishin parë direkt triumfin e Dritës në Pejë.
Atmosfera në qytetin e Gjilani ishte jashtëzakonisht e mirë edhe në mbrëmje ku mbërritën heronjtë e rinj të qytetit për të festuar.
Tanimë është publikuar një video nga Buka Production rreth festës së Dritës dhe Intelektualëve për titullin e kampionit.
Në këtë festë nuk munguan as fytyrat publike si aktori i famshëm Fatmir Spahiu dhe njëri nga rep artistët më të mirë në vend Feronit Shabani i njohur ndryshe si Fero. /Telegrafi/
