Pronari i një shtëpie në Idaho ka arritur ta ndalë një person të armatosur që tentoi ta plaçkit në orët e para të mëngjesit.
Videoja e publikuar më poshtë është filmuar nga kamerat e sigurisë, dhe shfaqin Caspian “Cash” Shamel duke u kacafytur me të dyshuarin, pasi e fejuara e tij Isabel Allen vrapoi poshtë shkallëve për të kërkuar ndihmë, transmeton Telegrafi.
Ajo fillimisht i telefonon policisë, por kjo nuk e frikësoi plaçkitësin të futet brenda shtëpisë dhe t’ua drejtojë pushkën.
“Ulu poshtë bir b*****”, dëgjohet duke bërtitur sulmuesi.
Megjithatë, ky paralajmërim nuk e zmbrapsi pronarin e shtëpisë që pa u menduar dy herë iu vërsul dhe arriti ta rrëzon në tokë, e t’ia rrëmben për pak qaste pushkën.
“Ke zgjedhur shtëpinë e gabuar”, dëgjohet duke i thënë Shamel hajnit që mendoi se do të largohet me duart plot.
E sipas policisë, bëhej fjalë për 28-vjeçarin Eddie Walker të cilin e kanë arrestuar jo larg shtëpisë. /Telegrafi/
