Një antilopë e cila po ndiqej nga një tufë e qenve afrikan, kishte shpresuar se do ta gjej shpëtimin duke u futur në ujë, por aty hasi në disa hipopotamë të cilët përbënin rrezik edhe më të madh për të.
Duke parë se nuk kishte shpëtim nga qentë afrikan që peshojnë mbi 30 kilogramë, antilopa kishte parë si opsionin e vetëm ujin, por nuk e dinte se aty po e prisnin hipopotamët 1600 kilogramësh që e sulmojnë brutalisht, transmeton Telegrafi.
Çuditërisht, edhe përkundër faktit që e sulmon dhe në shikim të parë duket se e shqyen në copa, antilopa arrin t’i shmanget dhëmbëve gjigant të hipopotamit.
Dhe në momentin që tenton të dalë nga uji atë e presin sërish qentë, dhe kështu vendos të rikthehet në ujë, por kësaj radhe nuk e sulmojnë hipopotamët dhe shpëton nga masakrimi i qenve. /Telegrafi/
