Ky është momenti rrëqethës kur një burrë zbret nga motoçikleta dhe futet në një kafiteri, dhe pa u menduar dy herë ai vjedh nga dora laptopin një gruaje.
Një grup hajnash kanë alarmuar policinë e Londrës, pasi kohëve të fundit kanë pasur cak të pasurit e në veçanti femrat, transmeton Telegrafi.
Dhe një rast i tillë është filmuar nga kamerat e sigurisë brenda një kafiterie, kur një burrë ia vjedh laptopin një gruaje në prezencë të dhjetëra personave tjerë, dhe më shpejtësi del nga lokali ku e priste miku i tij që ishte në motoçikletë.
Pronarja e kafiterisë Valbona Sadiku, ka deklaruar se kjo është hera e dytë që klientët e lokalit të saj janë bërë cak i hajnave gjatë tri javëve të fundit.
“Është e tmerrshme se si këta hajna futen në pronat e huaja”, ka shtuar shqiptarja Sadiku.
Lidhur me këto vjedhje, pronarët e kafiterive të Londrës i kanë bërë apel edhe të parit të këtij qyteti Sadiq Khan, nga i cili kërkojnë më shumë siguri. /Telegrafi/
