Një mbrëmje e zakonshme në Rusi për pak sa nuk përfundoi ngjashëm me skenat e filmave horror – kur një burrë tentoi t’i masakroj disa persona brenda një kafiterie duke iu vërsulur me motosharrë.
Ngjarja ka ndodhur në qytetin Nakhodka në Rusi, ku për fat të mirë klientët që ishin brenda kafiterisë arritën t’i shpëtojnë masakrës, duke reaguar me shpejtësi për t’ia rrëmbyer motosharrën nga duart sulmuesit, transmeton Telegrafi.
Videoja amatore e publikuar në internet shfaq një grup burrash që kishin rrethuar sulmuesin, që tentonte t’i masakronte me motosharrë. Të kapluara nga frika se mund ta pësojnë më jetë, disa femra dëgjoheshin duke bërtitur me gjithë forcën derisa burrat po mundoheshin ta neutralizojnë sulmuesin.
Brenda pak orëve pamjet janë bërë virale, kurse shumë e kanë përshkruar skenën në kafiteri të ngjashme me ato të filmave horror. E disa pretendojnë se sulmuesi ishte i dehur dhe kishte probleme “mendore”. /Telegrafi/