Martesat e tyre; vendi ku mbahet ceremonia; dhëndri, nusja; fustanet e disenjatorëve më të famshëm, përbëjnë gjithmonë lajm.
Por cilët kanë qenë fustanet më të paharrueshëm të nuseve të famshme në vitin 2015?
Whitney Port veshi një ndër fustanet më pak tradicionale të vitit, të dizenjuar nga Ashi Studios. Ajo u martua në nëntor me Tim Rosenman.
Dy komedianët, Allison Williams dhe Ricky Van Veen u martuan në shtator. Ajo veshi një fustan Oscar de la Renta, të dizenjuar nga Peter Copping.
Sofia dhe Joe u martuan në një resort në Palm Beach. Në dasmën më të përfolur të 2015-ës, Sofia veshi një fustan të Zuhair Murad.
Fustani i princeshës më polemike të Suedisë është dizenjuar nga stilistja suedeze Ida Sjostedt.
Bridget Moynahan, aktore dhe modele, u martua në shtator me sipërmarrësin Andrew Frankel, me një fustan të J. Mendel.
Modelja Hilary Rhoda i mahniti të gjithë me një fustan të Carolina Herrera-s, gjatë martesës së saj në tetor me Sean Avery-n. Detajet e gjelbra dhe prerja e drejtë e fustanit u kërkuan nga shumë femra gjatë këtij viti në fustanet e tyre të nusërisë.
Ish- Spice Girls-ja u martua në maj me Christian Horner, një prej drejtuesve të Formula 1. Fustani prej princeshe i Geri Halliwell u dizenjua nga Phillipa Lepley.
Modelja e Victoria’s Secret, Bar Rafaeli, u martua me sipërmarrësin izraelit Adi Ezra në shtator, duke veshur një fustan prej nuseje boheme, të Chloe-t.
Modelja Kate Grigoerieva u martua me të dashurin e saj, Alexander, në gusht. Ajo veshi një prej vellove më të gjata të vitit, me një fustan Truly Zac Posen.
Motra ‘serioze’ e trashëgimtareve Hilton, shkëlqeu me një fustan madhështor Valentino, në dasmën e saj në Kesington Palace në korrik. Ajo u martua me një tjetër trashëgimtar: James Rothschild. Bishti i fustanit të saj ishte 3 metra i gjatë!
Prezantuesja televizive Beatrice Borromeo u martua në korrik me Pierre Casiraghi-n e Monaco-s, nipin e Grace Kelly-t, shkruan Anabel. Ajo ka veshur një fustan Valentino, ndër të paktët fustanë jo të bardhë nusërie në 2015-ën.
Modelja Arlenis Sosa u martua në qershor me basketbollistin Donnie McGrath. Ajo veshi një fustan nuseje të ngushtë të Reed Acra-s.
Dy aktorët u martuan në një ceremoni të fshehtë në prill, dhe publikuan disa foto 1 muaj më vonë. Fustani me shpinë dekolte u dizenjua nga Claire Pettibone. /Telegrafi/