Këtë e ka pranuar edhe vetë zv/kryeministrja Edita Tahiri, e cila para një viti ishte shprehur optimiste se fusnota nuk do t’i mbijetonte stinëve të nxehta të vitit.
Në një intervistë për “Tribunën”, ajo ka thënë se fusnota do të hiqet në momentin kur Kosova të njihet edhe nga pesë vendet e BE-së, që deri tani nuk e kanë mbështetur pavarësinë e vendit tonë. Tek kur të vijë ajo ditë, sipas saj, Kosova do të paraqitet me emrin e saj si Republikë.
Lidhur me Marrëveshjen e IBM-së, ajo ka deklaruar se kjo marrëveshje është duke u zbatuar me sukses.
Kurse marrëveshja e mundshme për telekomunikacionin, sipas saj, do të konfirmojë se Kosovës i takon kodi shtetëror telefonik 383 ose 384. /Telegrafi/