A e ndikuan në fitoren e Donald Trump djelmoshat nga Velesi? Kjo është pyetja që e parashtruan edhe amerikanët një ditë pas shpalljes së rezultateve nga zgjedhjet presidenciale në SHBA.
Slaven Nedelkovski është 19 vjeçar dhe e tregon recetën e përfitimeve nga fushata për zgjedhjet presidenciale në SHBA. Ata thonë se nuk e dinë realitetin në politikën e SHBA-ve dhe atyre ju interesonte vetëm paraja.
Në kuriz të Donald Trump, Nedelkovski dhe shumë të rinj tjerë nga Velesi kanë blerë: Vetura të shtrenjta, dyqane, banesa, tokë dhe kanë bërë jetë luksi.
Telegrafi Maqedoni më herët ka informuar për disa të rinjë nga Velesi që krijonin ueb faqe të rrejshme duke shkruar tekste pro kandidatit Republikan Donald Trump dhe duke bërë fushatë negative për kandidaten e Demokratëve Hillary Clinton për zgjedhjet presidenciale në Shtetet e Bashkuara të Amerikës.
Më herët, Televizioni Channel 4 nga Britania e Madhe ka dërguar një ekip për të gjetur dy studentët që fituan para të majme në kuriz të kandidatit për president të SHBA-ve, Donald Trump.
Në Shtetet e Bashkuara të Amerikës kjo ”fushatë” është vlerësuar si vendimtare për rezultatin e zgjedhjeve dhe e kanë akuzuar Facebook-un për plasimin e këtyre lajmeve pro-Trump nga Velesi i Maqedonisë./Telegrafi/
https://www.youtube.com/watch?v=bvTEdOTAscM