Edhe dy javë deri në fund të vitit, tregjet e qytetit të Shkupit po ofrojnë një numër të madh të mjeteve piroteknike. Sektori i Punëve të Brendshme (SPB) në Shkup në bashkëpunim më shkollën fillore “Tefejuz” dhe Kryqin e Kuq, improvizuan një lëndim aksidental nga mjetet piroteknike para nxënësve, me qëllim të vetëdijesimit për përdorimin e këtyre mjeteve. Nga sektori i Punëve të Brendshme në Shkup, thonë se zvogëlimi i aksidenteve nga këto mjete tregon se qytetarët po vetëdijesohen, përcjell Telegrafi Maqedoni.
“Targeti kryesorë janë fëmijët, pra nxënësit nga shkollat e mesme dhe fillore. Qëllimi është që të vetëdijesohen dhe të ju bëjmë apel fëmijëve dhe prindërve të tyre që të mos përdorin mjete piroteknike. Këtë e bëjmë duke marrë parasysh se përdorimi i mjeteve piroteknike parasheh rrezik për përdoruesin dhe mund të vjen në lëndime më të vërtetë serioze”, u shpreh Biljana Milevska, shefe e sektorit për preventivë në SPB – Shkup.
Nga Kryqi i Kuq thonë se anëtarët e tyre gjatë festave të fund vitit shumë shpesh rastisin në persona të lënduar nga përdorimi i mjeteve piroteknike./Telegrafi/
