Fushata reklamuese e filmit të ri horror shkaktoi panik në rrugët e New Yorkut, shkruajnë mediat e huaja.
Gjegjësisht, producentët e filmit punësuan njerëz ekstra që të bien të përgjakur nëpër qytet dhe të shtrihen në rrugë me insekte të mëdha që mbulojnë fytyrat e tyre.
Bëhet fjalë për horrorin fantastiko-shkencor “Alien: Romulus”, i cili do të publikohet javën e ardhshme. Filmi me regji të Fede Álvarez dhe Rod Sayagues është prodhuar nga shtëpia e regjisorit të madh Ridley Scott.
Është titulli i shtatë i ekskluzivitetit “Alien”, i cili vendoset midis ngjarjeve të filmit “Alien” të vitit 1979, me regji të Ridley Scott, dhe “Aliens” nga një regjisor tjetër i madh, James Cameron, nga viti 1986.
Në film luajnë: Cailee Spaeny, David Jonsson, Archie Renaux, Isabela Merced, Spike Fearn dhe Aileen Wu.
Filmi flet për një grup të rinjsh kolonizatorë të hapësirës, të cilët, ndërsa eksplorojnë qoshet më të errëta të një stacioni hapësinor të braktisur, vijnë në kontakt me formën më të tmerrshme të jetës që ekziston në hapësirë.
Ky nuk është shembulli i parë i marketingut gueril që shkaktoi frikë në rrugët e qyteteve të mëdha, i ngjashëm ishte rasti me hitin horror “Smile” kur ekstrasit qëndronin të palëvizur në rrugë duke qeshur rrëqethshëm. /Telegrafi/