Kompania e Ujësjellësit Rajonal (KUR), Prishtina, mision e ka furnizimin me ujë të pijshëm me standardet e OBSH-së, maksimalizimin e kohës së furnizimit, largimin e ujërave të ndotura, si dhe mirëmbajtjen dhe zgjerimin e rrjetit të ujit për të gjithë konsumatorët në zonën e shërbimit.
Ofrimi i shërbimeve cilësore dhe rritja e qëndrueshmërisë financiare të kompanisë është synimi ynë aktual dhe i së ardhmes.
Kompania Ujësjellësi Rajonal “Prishtina”ofron shërbime në gjithsej 8 komuna: Prishtinë, Fushë Kosovë, Obiliq, Drenas, Podujevë, Shtime, Graçanicë dhe Lipjan.
Jemi dëshmitarë se kohët e fundit kemi pas reshjeve të dendura atmosferike, kanë sjellë në jetë të plotë liqenet akumuluese Batllava dhe Badoci duke e tejkaluar kuotën maksimale, dhe gjithsesi kanë ndihmuar mjaft në rritjen e sasisë së ujit të burimeve nëntokësore prej nga furnizohen disa komuna nën menaxhimin tonë.
Nga sot fillon furnizimi më i miri me ujë të pijshëm, krahasuar me 16 vitet e fundit. Prishtina, Drenasi, Obiliqi dhe Graçanica, që të tria në tërësi dhe zonat e fshatrat përreth tyre, nuk do të kenë më reduktime të ujit gjatë ditës dhe furnizimi me ujë të pijshëm do të bëhet nga ora 06:00-23:00, gjë që reduktimet e natës do jenë prezent.
Shtimja, Lipjani, Podujeva dhe Fushë Kosova me të gjitha zonat dhe fshatrat përreth tyre do të kenë furnizim me ujë 24 h pandërprerë.
“Ky furnizim i mirë dhe i shumë pritur nga ana e secilit konsumatorë do fillojë nga dita e sotme dhe do zgjasë deri në fund të muajit qershor 2015, ndërkaq nga muaji korrik do dalim me një orar të ri të furnizimit, për shkak që kërkesat për ujë do të rriten dukshëm më shumë,po që edhe atëherë reduktimet do jenë sa më minimale”, ka njoftuar ujësjellësi.
Ndryshe, ndërprerjet e ujit jashtë këtij orari të furnizimit, mund të ndodhin si pasojë e prishjeve teknike dhe punimeve të vazhdueshme në ndërrimin e vjetërsuar të rrjetit të ujësjellësit, në kuadër të fazës së II-të të investimeve, por për çdo gjë do ju njoftojmë me kohë.
Jemi duke punuar me kapacitete maksimale, ku kapaciteti maksimal prodhues nga Fabrika e Batllavës është 850 l/s, ndërsa nga Fabrika e Badocit 420 l/s. /Telegrafi/