Kryetari i Qendrës së Maqedonisë greke, Apostollos Sisikostas, tha se deri sa është ai në krye të komunës nuk do të ndryshojë emrat e tabelave në të cilat tani shkruan Shkupi për vendin tonë.
Në intervistë për televizionin “Sky”, Sisikostas i cili vjen nga radhët e Demokracisë së Re, thekson se ai nuk do të përdor emrin Maqedonia e Veriut, sepse vendi për të “ka qenë dhe do të jetë Shkupi”.
“S’ka mundësi që në rrugët që janë në përgjegjësinë tonë, në komunë të vendosen tabelat në të cilat do të shënohej Maqedonia e Veriut. Të jetë e qartë, deri sa jam unë kryetar, në tabelat e rrugëve të tona do të shkruhet Shkupi”, tha ai.
I pyetur se çka do të bëjë nëse ka presion nga qeveria për çështjen konkrete, ai tha se edhe deri më tani nuk është nënshtruar ndaj presioneve të tyre./Telegrafi/