Fondi për Sigurim Shëndetësor tërhoqi çmimin e referencës prej 3.600 denarë për testimin nga Covid-19 dhe mori një vendim të ri për më të lirë, pra për 1.500 denarë për këtë shërbim laboratorik, informon “Nova TV”.
Vendimi u mor nga Bordi i Drejtorëve dhe mbetet vetëm të konfirmohet nga Ministri i Shëndetësisë Venko Filipçe dhe të botohet në Gazetën Zyrtare. Më tej, Fondi do të paguajë çmimin e këtij shërbimi laboratorik për të gjitha institucionet e kujdesit shëndetësor me të cilat ka lidhur marrëveshje.
“Me shpërthimin e pandemisë së COVID-19, shërbimet profesionale të Fondit, bazuar në analizën, rishikuan çmimin e testimit PSR të shërbimit shëndetësor dhe u morr vendim për një çmim të ri prej 3.600 denarë. Për shkak të informacionit se në laboratorët privatë ky shërbim shëndetësor paguhet 1.500 denarë, Fondi tërhoqi vendimin për çmimin prej 3.600 dhe miratoi një të ri me të cilin kostoja e testimit të PSR për COVID-19 do të jetë 1.500 denarë”, thonë nga FSSH./Telegrafi/