Sezoni i skijimit në Bjeshkët e Nemuna ka nisur zyrtarisht, i ilustruar nga fotografitë mbresëlënëse të realizuara nga Karolina Krasniska, në zonat e Gacaferit në Kosovë dhe Doberdolit në Shqipëri.
Ky është një bashkëpunim i veçantë mes Freeride Albania dhe Freeride Kosovo, të cilat bashkojnë përvojat dhe pasionin për sportet dimërore në këto male unike.
Freeride Kosovo ka çelur sezonin në Bjeshket e Deçanit, duke ofruar guida të posaçme freeride dhe momente adrenaline për të gjithë dashamirësit e sportit dimëror.
Me një përkushtim të vazhdueshëm ndaj turizmit të qëndrueshëm, Freeride Kosovo synon të ruajë bukuritë e paprekura të kësaj zone, ndërkohë që ofron një eksperiencë të paharrueshme për vizitorët.
Në anën tjetër të kufirit, Freeride Albania ka vendosur bazën në fshatin piktoresk të Doberdolit.
Grupi i parë i mysafirëve ka ardhur përmes kompanisë holandeze Epique, duke shijuar peizazhet e papërsëritshme të Alpeve Shqiptare.
Fotografi nga Karolina
Fotografja Karolina Krasinska ka vizituar Bjeshklët e Nemuna, duke dokumentuar momentet më të veçanta të skijimit freeride dhe natyrës së mrekullueshme përreth. Fotot e saj pasqyrojnë jo vetëm emocionet e zbritjeve në dëborë, por edhe harmoninë mes aventurës dhe ruajtjes së ekosistemit malor.
Një sezon i ri, një eksperiencë e re
Duke bashkuar forcat, Freeride Albania dhe Freeride Kosovo synojnë të ofrojnë një spektër të plotë mundësish për entuziastët e skijimit:
Guida Profesionale: Ture freeride dhe shëtitje malore nën kujdesin e instruktorëve të specializuar.
Turizëm i Qëndrueshëm: Praktika miqësore ndaj mjedisit, bashkëpunim me komunitetin lokal dhe ruajtje e traditave të zonës.
Akomodime Autentike: Shtëpi pritëse dhe bujtina që ofrojnë rehati dhe mikpritje tradicionale.
Për të mësuar më shumë rreth Freeride Kosovo vizitoni https://
Për të mësuar më shumë rreth Freeride Albania vizitoni https://
Linku per foto: LINK freeride Kosovo, Per freeride Albania LINK
