Telegrafi

Francis Ngannou mposht Cyryl Gane dhe mbron titullin e peshave të rënda në UFC 270

Shkumbin Pireva

Francis Ngannou realizoi një performancë brilante për të mposhtur Ciryl Gane në UFC 270 dhe për të mbrojtur titullin e tij të peshave të rënda UFC. 

Luftëtari kamerunaso-francez mori fitoren e tij të gjashtë radhazi brenda tetëkëndëshit të famshëm pasi mposhti rivalin e tij, Gane, në ngjarjen kryesore të UFC 270.

Fitorja e Ngannou erdhi me vendim unanim të gjyqtarëve (48-47, 48-47, 49-46).

Lufta filloi me Gane që mbante distancën e tij nga Ngannou, i cili bëri disa goditje rrufe të vogla, por pa efekt shkatërrues.

Gane luftoi zgjuar, duke u larguar nga fuqia e Ngannou dhe duke goditur nga anash.

Në raundin e dytë, të dy luftëtarët shkëmbyen goditje në këmbë. Gane vulosi autoritetin e tij në ndeshje, duke e lënduar Ngannou me një goditje në kokë.

Megjithatë, Ngannou e ktheu ndeshjen në favor të tij ndërsa zbatoi një strategji mundjeje, e cila doli e rëndësishme.

Ai bëri një përplasje të madhe dhe kishte kontroll nga pozicioni i lartë gjatë përpjekjeve për paraqitje.

Gane vazhdoi të sulmonte me këmbët e tij, por Ngannou e rrëzoi edhe një tjetër herë ndërsa kontrollonte raundin.

Por, përballja e Ngannou në raundin e tretë, të katërt dhe të pestë e bëri atë të kalojë Ganen në rezultat.

Fitorja e tij në Anaheim, Kaliforni, shënon mbrojtjen e parë të kurorës së tij të peshave të rënda në UFC, pasi rrëmbeu rripin në paraqitjen e tij të fundit kundër Stipe Miocic.

Fitorja përmirësoi rekordin e Ngannou në 17-3 (12-2 në UFC). /Telegrafi/