France Fotball ka bërë ndarjen e Topit të Artë të hënën mbrëma, ndërsa atë e fitoi sulmuesi i Real Madridit, Karim Benzema.
Sulmuesi francez pati një edicion të shkëlqyer me Los Blancos dhe ishte i merituar për të, derisa u ndanë edhe disa çmime.
Çmimi për sulmuesin më të mirë shkoi për Robert Lewandowskin e Barcelonës, për golat e shënuar në edicionin e kaluar, por që garoi me Bayern Munichun, për të marrë trofeun “Gerd Muller”.
🏆 ¡FELIZ MARTES, #MADRIDISTAS! 🏆 pic.twitter.com/GlkQCm5iAU
— Real Madrid C.F. (@realmadrid) October 18, 2022
Portieri më i mirë ishte po ashtu një lojtar që luan në La Liga, Thibaut Courois i Real Madridit, duke rrëmbyer kështu çmimin Lev Yashin.
Në atë natë u ndanë edhe çmimi “Trophe Kopa” që shkoi në duart e talentit të Barcelonës, Gavi, derisa u nda edhe çmimi për klubin më të mirë të vitit.
Shumëkush mund ta ketë pritur se Real Madridi do të ishte klubi më i mirë i vitit, por France Football shkaktoi befasi.
What a night! 👏 Our highlights reel from the #BallondOr ceremony as we scoop the Club of the Year award! pic.twitter.com/znTpln3mwu
— Manchester City (@ManCity) October 17, 2022
Revista franceze vendosi se ky çmim shkon në Angli, përkatësisht te kampioni i Ligës Premier, Manchester City.
Do të ishte mëse e drejtë nëse Citizens do të ishin në finale të Ligës së Kampionëve, por ata u eliminuan nga Los Blancos në fazën gjysmëfinale.
Andaj, France Football po kritikohet shumë për këtë çmim të ndarë, pasi nuk përkon me asnjë të arritur të klubit anglez, duke e injoruar kështu Real Madridin apo edhe Liverpoolin që së paku ishte në finale. /Telegrafi/