Franca po u bën thirrje të gjitha vendeve të Bashkimit Evropian që të fillojnë testimin e pasagjerëve që vijnë nga Kina për COVID-19, në mes të një shpërthimi që ka përfshirë kombin aziatik.
Deri më tani të vetmet vende të BE-së që kërkojnë testim janë Franca, Italia dhe Spanja – plus Mbretëria e Bashkuar jashtë bllokut – me zyrtarët evropianë që nuk arritën të bien dakord për një qëndrim të përbashkët në një takim në Bruksel para Krishtlindjeve.
Nga e diela, Franca kërkon që udhëtarët nga Kina të japin një rezultat negativ të testit për coronavirus, më pak se 48 orë para nisjes dhe do të testojnë rastësisht, raporton euronews.
“Franca do të shtyjë që kjo metodologji të zbatohet në të gjithë BE-në”, tha Ministri i Shëndetësisë, François Braun ndërsa së bashku me ministrin e Transportit, Clement Beaune kontrolluan procedurat e reja në aeroportin Roissy Charles de Gaulle të Parisit.
Tre vjet pas shfaqjes së rasteve të para të virusit në qytetin qendror të Wuhan, Kina i dha fund politikës së saj drakoniane të njohur si “zero COVID” më 7 dhjetor.
Që nga heqja e kufizimeve, spitalet kineze janë mbingarkuar nga rritja e numrit të pacientëve, shumica e tyre të moshuar dhe të cenueshëm për shkak të protokolleve të dobëta të vaksinimit. /Telegrafi/