20 vite pasi e fituan Kupën e Botës, Kombëtarja e Francës e asaj kohe ka zbritur në fushë të martën mbrëma.
Me një formacion pothuajse të njëjtë me atë natë të Parisit, skuadra fitoi ndaj All Star 98 XI me rezultat 3-2.
Zinedine Zidane shënoi një gol, jo dy sikurse që kishte bërë me Brazilin në Stade de France.
Thierry Henry dhe Vincent Candela shënuan po ashtu nga një gol, ndërsa në anën tjetër shënuan yjet spanjolle si Fernando Morientes dhe Gaizka Mendieta.
Për Francën mungoi Didier Deschamps që është trajner dhe po e kërkon historinë këtë verë me ekipin kombëtare francez. Po ashtu i ftuar ishte edhe ish sulmuesi i Juventusit, David Trezeguet, po që për gjendet në Rusi për fillimin e Kampionatit.
Sabri Lamouchi dhe Ibrahim Ba zunë vendet e tyre.
Trajneri i njohur i asaj kohe Aime Jacquet, e nisi ndeshje me 10 lojtarë që isin edhe në formacionin e asaj kohe në ndeshjen e parë me Afrikën e Jugut ku fituan 3-0.
Mbrojtje e përbën Fabien Barthez, Lilian Thuram, Laurent Blanc, Marcel Desailly dhe Bixente Lizarazu. Në mesfushë kishte emra si Christian Karembeu, Emmanuel Petit, Youri Djorkaeff dhe Zidane. Në sulm luanin Thierry Henry dhe Stephane Guivarc’h.
Në anën tjetër ekipin e udhëhoqi Arsene Wenger, ndërsa në portë ishte Francesco Toldo. Emrat e tjera ishin edhe Edgar Davids, Samuel Eto’o, Christian Vieri dhe Hristo Stoitchkov.
Në bankë kishte emra si David James, Slaven Bilic, Mendieta, Mario Stanic, Giorgos Karagounis, Fernando Morientes, Patrick Kluivert dhe printeri xhamajkan Usain Bolt.
Ndeshjen e nisi Morientes me golin e minutën e 8-të, por Franca barazoi me Henry. Zidane shënoi nga gjuajtja e lirë, para se Mendieta ta barazonte rezultatin.
Ndeshjen e vendosi Candela që shënoi për në minutat e fundit. /Telegrafi/
https://www.youtube.com/watch?time_continue=73&v=ijXqvcVbdu8
https://twitter.com/afcstuff/status/1006652520779993090
https://twitter.com/DJNONOR/status/1006647206286450689
https://twitter.com/EliasnavasEML/status/1006642122601136129
Goal! Vincent Candela 3-2 #France98vsFIFA98 pic.twitter.com/JQyIQChOUC
— EMR (@EnModeReplay) June 12, 2018