Një depo e konvertuar në një “shtëpi” prapa një ish-blloku banimi në Londër është futur treg për 350 mijë funte (rreth 450 mijë dollarë).
Siç shkruajnë mediat britanike, përcjell Telegrafi, bëhet fjalë për një “shtëpi” e cila ka vetëm 16 metra katrorë, por e cila është futur me një çmim të tillë të lartë, çmim i cili i ka befasuar edhe fqinjët dhe jo vetëm.
Madje çmimi i saj po vlerësohet për 150 mijë funte më i shtrenjtë se mesatarja e çmimit të një shtëpie në Britani të Madhe, që vlerësohet të jetë rreth 207 mijë funte.
Një banor në ndërtesën afër ka thënë: “Nuk e di se pse paguajnë kaq shumë për të, është çmenduri. Mendoja se ishte një njësi magazinimi”. /Telegrafi/
