Kryeministri i Shqipërisë, Edi Rama ka përjkutuar komandantin legjendar, Adem Jashari në datën e lindjes së tij.
Rama përmes një postimi në rrjetin social në Facebook ka shkruar se 68 vite më parë Adem Jashari erdhi në këtë botë në Ditën e Flamurit.
Përmes këtij postimi, Rama publikoi një nga fotografitë e Adem Jasharit të bërë vite më parë në qendër të Tiranës.
“68 vite më parë Adem Jashari erdhi në këtë botë mu në Ditën e Flamurit Kombëtar dhe iku nga kjo botë duke e lënë trupin pa jetë, si një monument të shtrirë në mesin e shtëpisë ku mbante flamurin kombëtar, e duke e ngjitur shpirtin në Altarin Qiellor të Heronjve të Kombit”, ka shkruar Rama. /Telegrafi/
