Manchester Unitedi ka fituar në “Old Trafford” ndaj Chelseat me rezultat 2:0.
“Djajtë e Kuq” kanë fituar derbin e javës në Ligën Premier ndaj liderit të kampionatit, Chelseat.
Përveç fitores, skuadra e Jose Mourinhos e ka dominuar atë të Antonio Contes në shumë aspekte, duke ia pamundësuar aksionet e rrezikshme dhe kundërsulmet.
Chelsea në këtë takim nuk ka mundur të gjuaj asnjë goditje në drejtim të portierit David De Gea, por më e keqja që “Blutë” nuk kanë arritur të kompletojnë as edhe një pasim të vetëm në zonën e “Djajve të Kuq”.
Kur shikohen statistikat vërehet se me të vërtetë kjo fitore e Unitedit është mese e merituar. /Telegrafi/
