Një fotografi e ushtarëve të Serbisë në uniformë duke vënë kurorë lulesh para monumentit të komandantit çetnik Drazha Mihajloviçit u shfaq këto ditë në rrjetet sociale.
Dhe një fotografi e tillë, siç shkruajnë mediat serbe, përcjell Telegrafi, ka provokuar një reagim në Serbi – madje disa kanë dyshuar se mund të jetë edhe një fotomontazhë.
Megjithatë, siç shkruan “Blic.rs” ushtarët serbë janë me të vërtetë ata që duken në fotografi dhe se pamjet janë autentike.
Siç thuhet më tej, gjithçka filloi kur u botua një foto e debatueshme në rrjetet sociale, e cila u përhap dhe u komentua gjerësisht.
Vojska Srbije salutira saradniku okupatorske Njemačke, okupatorske Italije, okupatorske Madjarske, okupatorske Bugarske i saradniku jednako izdajničke NDH ustaške vojske.
Bravo!!! pic.twitter.com/oFVC3KmcKD— Mirko Stanic (@StanicM) May 7, 2018
Në fillim, Ministria e Mbrojtjes e Serbisë ka heshtur, por pas një kohe kanë demantuar se anëtarët e Ushtrisë së Serbisë kanë marrë pjesë në përvjetorin e Lëvizjes “Ravna Gora” dhe të kenë vendosur kurorë në monumentin e Mihajloviçit.
Gjithashtu bëhet e ditur se në kabinetin e Aleksandar Vulinit kanë pranuar se me të vërtetë ka ndodhur, por që është bërë “vullnetarisht”.
Në vitin 1946, Mihajloviç u ekzekutua për tradhti të lartë dhe bashkëpunim me nazistët pas vendosjes së komunizmit.
Gjithashtu, gjatë Luftës së Dytë Botërore forcat e tij u akuzuan për krime lufte dhe mizori të tjera.
Disa prej togerëve të tij të lartë në fushë bashkëpunuan haptazi me italianët dhe gjermanët nazistë “në emër të ruajtjes së besimit ortodoks të Serbisë dhe të kombit”.
Siç thuhet, çetnikët gjithashtu vunë në shënjestër dhe vranë myslimanë boshnjakë dhe kroatët si edhe komunistë.
Frashër Demaj, një historian në Universitetin e Prishtinës, vite më parë kishte thënë se çetnikët kishin vrarë gjithashtu civilë shqiptarë.
“Çetnikët vranë gjithashtu të burgosur lufte pa respektuar as edhe një rregull lufte”, kishte thënë Demaj. /Telegrafi/