Sot (e mërkurë), Kosova feston 13 vjetorin e pavarësisë si shtet.
Me këtë rast, urimet kanë qenë të shumta e përkundër pandemisë, në shumë qytete të Kosovë u organizuan festa modeste për të kremtuar këtë datë të veçantë.
Një numër i madh i yjeve nga estrada shqiptare shprehën gjithashtu urimet për këtë festë, përmes rrjeteve sociale.
Reperi i njohur shqiptar i cili jeton dhe vepron në Shtetet e Bashkuara të Amerikës, Unikkatili, zgjodhi një formë më të veçantë urimi.
Ai publikoi në InsatStory një imazh të komandantit legjendar, Adem Jashari, teksa në mbishkrimin e saj uroi shqiptarët e Kosovës për 13 vjetorin e Pavarësisë.
“Urime Pavarësia Kosova jeme! Dardania e Shenjtë”, shkroi reperi i njohur në urimin e tij.
Unikkatili ka një numër të madh fansash në mbarë territoret shqiptarët, teksa ka kohë që nuk është shumë aktiv në muzikë. /Telegrafi/