Telegrafi

Foshnjën e lindur nën rrënoja në Siri kanë tentuar ta rrëmbejnë nga spitali – autoritetet e dërgojnë në një lokacion të sigurtë  

Foshnja e porsalindur siriane nën rrënojat e ndërtesave të shembura, familja e të cilës humbi jetën nga tërmeti shkatërrues, sipas mjekëve të spitalit është vendosur në një vend më të sigurtë.

Zyra e Ministrisë së Shëndetësisë në rajonin e Afrinit, ka ndërmarrë masat parandaluese për ta mbrojtur vajzën Aya nga rrëmbimi i mundshëm apo mashtrimet para se ta adoptojnë raporton BBC.

Të hënën erdhi deri te incidenti në spitalin ku po kujdeseshin për të, në rajonin që është nën kontrollin e rebelëve. Një teknik medicinal me dy burra të armatosur ka rrahur drejtorin e spitalit.

E Ministri i Shëndetësisë, Ahmad Haj Hasan ka demantuar pretendimet që janë shfaqur në rrjetet sociale, se bëhet fjalë për tentim rrëmbimi të vajzës së vogël, transmeton Telegrafi.

Lexo po ashtu Fati i vajzës siriane që përloti botën: Kujdesej për vëllanë e saj nën rrënoja, tani mund të humbë këmbën

“Akuzat për rrëmbim janë të pakuptimta. Është një gjë e brendshme në spital dhe nuk ka lidhje me foshnjën”, tha Haj Hasan për BBC.

Deri më tani, qindra persona janë lajmëruar, dhe kanë shprehur gatishmërinë për ta adoptuar vajzën e vogël, e historia e saj ka bërë xhiron e botës.

Megjithatë, ministria e Shëndetësisë është e vendosur me vazhdimin e procesit të adoptimit.

Aya u soll në jetë nga e ëma pasi tërmeti shkatërrues goditi shtëpinë e saj në qytetin Jindires, ku si pasojë e ëma e saj humbi jetën. /Telegrafi/