Një foshnjë e porsalindur dhe nëna e tij janë shpëtuar nga rrënojat në Turqi, rreth 90 orë pas tërmetit të parë vdekjeprurës të së hënës.
Djali 10-ditor, i quajtur Yagiz, u nxor nga një strukturë e rrënuar në provincën jugore Hatay, transmeton Telegrafi.
Pamjet treguan se fëmija ishte nxjerrë me kujdes gjatë natës – një pamje e përshkruar nga mediet lokale si mrekulli.
90. saat mucizesi! 10 günlük Yağız bebek herkesi ağlattı. #deprem #mucize #yagizbebek https://t.co/b6qOIAfjgN pic.twitter.com/BKtFqInTNi
— Patronlar Dünyası (@patronlar) February 10, 2023
Shpresat për gjetjen e shumë të mbijetuarve të tjerë po pakësohen, mes motit të ftohtë katër ditë pas katastrofës.
Megjithatë, përpjekjet e kërkim-shpëtimit vazhdojnë si në Turqi ashtu edhe në Sirinë fqinje – e cila u godit gjithashtu nga tërmetet.
I porsalinduri Yagiz u fotografua i mbështjellë me një batanije termike duke u transportuar në një ambulancë për të marrë trajtim.
Nënën e tij e nxorën me barelë. Nuk kishte përditësime të mëtejshme të disponueshme menjëherë për shëndetin e të dyve. /Telegrafi/
