Forumi i Patriotëve Mendjelirë rekomandon deri te anëtarët e trupit ‘ad-hoc’ për kontrollë të mediave, se zgjedhja e tyre është në funksion të zbatimit sa më efikas, të drejtë dhe zgjedhje demokratike parlamentare, dhe jo në funksion të interesave personale të individëve dhe grupeve të caktuara, transmeton Telegrafi Maqedoni.
‘Sjellja juaj e papërshtatshme që në fillim vë në pikëpyetje kredibilitetin e këtij organi. Vetëm sa ta dini nëse nuk e keni të qartë, ajo çka në këtë moment ju veproni, që në fillim njollosni të gjithë procesin. Duam që të theksojmë se roli juaj është kyç për zgjidhjen e krizës politike dhe presim nga ju sjellje të arsyeshme. Dilni nga kthetrat në të cilën dikush ju mba, populli e pret atë nga ju’ thuhet nga FPML.
Gjatë ditës së sotshme liderët e katër partive kryesore në Maqedoni pritet të takohen për të vendosur nëse janë plotësuar detyrimet që dalin nga marrëveshja e 22 korrikut si kusht për mbajtjen e zgjedhjeve të parakohshme parlamentare, të parapara me 11 dhjetor. /Telegrafi/