Drejtuesit e Formula 1 kanë vendosur unanimisht që ta anulojnë garën për Çmimin e Madh të Rusisë.
Rusia i ka shpallur luftë Ukrainës dhe që nga dje (e enjte), situata veçse është përshkallëzuar ku nuk mungojnë edhe viktimat, pasi forcat ruse po tentojnë pushimin e shtetit fqinj.
Kjo situatë e krijuar nga shteti rus ka bërë që shumë shtete tjera boterore, por edhe organizata sportive të vendosin sanksione kundër Rusisë.
Një i tillë së fundmi është marrë edhe nga FIA, e cila ka vendosur ta anuloj garën për Çmimin e Madh të Rusisë në Formula 1.
“Kampionati Botëror i FIA Formula 1 viziton vendet në të gjithë botën me një vizion pozitiv për të bashkuar njerëzit, duke bashkuar kombet”.
A statement on the Russian Grand Prix pic.twitter.com/OZbbu9Z8ip
— Formula 1 (@F1) February 25, 2022
“Ne po i shikojmë zhvillimet në Ukrainë me trishtim dhe tronditje dhe shpresojmë për një zgjidhje të shpejtë dhe paqësore të situatës aktuale”.
“Të enjten në mbrëmje në Formula 1, FIA dhe skuadrat diskutuan pozicionin e sportit tonë dhe përfundimi është, duke përfshirë pikëpamjen e të gjithë aktorëve përkatës, se është e pamundur të mbahet Çmimi i Madh i Rusisë në rrethanat aktuale”, thuhet në njoftim. /Telegrafi/