Kryesia e Kuvendit të Kosovës ka emëruar anëtarët e Komisionit Parlamentar për Marrëveshjen e Stabilizim Asociimit (MSA).
“Epoka e re” ka siguruar dokumentin në të cilin janë emrat e 16 deputetëve nga të gjitha subjektet politike, që janë të përfaqësuara në Kuvendin e Kosovës.
Kryesia e Kuvendit, në bazë të nenit 67.6 të Kushtetutës së Kosovës dhe të nenit 15 të Rregullores se Kuvendit, si dhe neneve 15 dhe 132 të Marrëveshjes së Stabilizim Asociimit ndërmjet Kosovës në njërën anë dhe BE-së dhe Komunitetit Evropian të Energjisë Atomike, në anën tjetër, në mbledhjen e mbajtur më 18 mars 2016, pasi ka diskutuar lidhur me përbërjen dhe emërimin e deputetëve për anëtarë në Komisionin Parlamentar për Stabilizim Asociim mori këtë vendim:
Emërohen deputetët për anëtarë të Komisionit Parlamentar për Stabilizim Asociim: Xhavit Haliti, Sabri Hamiti, Adem Grabovci, Selvije Halimi, Ismet Beqiri, Teuta Sahatqija, Ilir Deda, Glauk Konjufca, Donika Kadaj-Bujupi, Time Kadrijaj, Valdete Bajrami, Nenad Rashiq, Kujtim Paqaku, Luljeta Veselaj-Gutaj, Muhamet Mustafa dhe Sllobodan Petroviq.