Përfaqësuesja e Kosovës do të jetë nikoqir i Lituanisë në miqësoren që zhvillohet para dy ndeshjeve kualifikuese në Kupën e Botës që mbahet në Katar në vitin 2022.
Ndeshja mes Dardanëve dhe lituanëve do të luhet në stadiumin “Fadil Vokrri” nga ora 20:45.
Kjo ndeshje miqësore do të jetë test para dy ndeshjeve kualifikuese , ndaj Suedisë më 28 mars dhe me Spanjën më 31 mars.
Redaksia e Telegrafi Sport ka përpiluar formacionin e mundshëm se si mund të luajë Kosova në miqësoren ndaj Lituanisë:
Për këtë miqësore, Bernard Challandes pritet që në portë të startojë me Visar Bekajn.
Në mbrojtje do të jenë katërshja si, Florent Hadërgjonaj e Leart Paqarada në krah, derisa Betim Fazliji e Ibrahim Dresevic do të jenë në qendër.
Para tyre, si mesfushorë defanzivë pritet të vendosen Hekuran Kryeziu e Besar Halimi.
Vedat Muriqi mund të vendoset i vetëm në sulm, derisa do të ndihmohet nga treshja, Milot Rashica, Bersant Celina e Arbër Zeneli. /Telegrafi/